Consèu dei Ministres dau Govèrn de la Republica Federala Occitana au Borg (Valadas, Gavotina)

02.11.2013

La Republica Federala Occitana organiza lo Conseu dei Ministres au Borg, dissabta lo 2 de novembre a 18 oras au Palais Bertello, carriera Vittorio Veneto 19, a l'escadença de la 23a Fèsta de Lou Dalfin "Uvernada".

 

Aquest acamp mesadier dau Conseu dei Ministres es publica, la premsa li es finda convidada.

 

Seràn tractats de subjèctes importants coma :

 

  • Presentacion dau president de la República de Nissa, Cristòu Daurore, elejut lo 28 de setembre, e qu'a nomenat Gerard Raschella promier ministre. Cristòu Daurore e Gerard Raschella presenteràn lo sieu Govèrn a Nissa, a la fin de novembre.
  • Rampèu a candidaturas per la votacion presidenciala de la Republica Federala Occitana, que si debanerà en lo 2014 en Occitània tota.
  •  Votacions municipali dei comunas de la Republica Federala Occitana (demanda ai candidats de si posicionar a respècte de la lenga e de la nacion occitani).
  • Federalizacion e localizacion de la Republica Federala Occitana.
  • Lo projècte de Republica dei Valadas Occitani, federada a la RFÒC a l’imatge de la República de Nissa.
  • Situacion de la lenga occitana en li Valadas Occitani.
  • Lu projèctes de cooperacion entre Occitània e Cameron, per fin d'ajudar li missions de "Lo Coar sus la man", pròch dei andicapats, orfaneus e presoniers dau despartiment dau Non (oest Cameron), pòble bamon.
  • Decisions e organizacion dei Conseus dei Ministres venents.

Rampèu : l'occitan, en lo respècte de la sieu diversitat dialectala, es la lenga oficiala de la Republica Federala Occitana.

 

Li noastri valors n'en vènon dei trobadors : Prètz, larguesa e paratge, es a dire AMOR !

 

VIVA OCCITÀNIA !