La República de Nissa a commemorat la Dedicion de Nissa a Savòia e presentat la sieu futura moneda locala: lo "Nissart"

29.09.2015

Lo diluns 28 de setembre s'es debanada sus la plaça dei Barbets (ex-plaça Massena) la commemoracion de la Fèsta Nacionala de la República de Nissa qu'onora la Dedicion de Nissa a Savòia dau 1388.

 

Aquesta commemoracion èra finda l'escadença de festejar la victòria electorala dei independentistas catalans ai votacions legislativi catalani dau 27 de setembre.

 

Mentre d'aquesta commemoracion, Cristòu DAURORE, president de la República de Nissa e Jòrgi GRILLI, lo sieu promier ministre, an augut lo plaser d'anonciar lo nom de la futura moneda locala de Nissa : lo "Nissart".

 

 ***

  

REPUBLICA DE NISSA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



L'ambassador d'Occitània en Itàlia Umberto Arione rescòntra lo cònsol de Coni !

12.07.2015

Divendres passat, lo 10 de julhet dau 2015, l'ambassador d'Occitània en Itàlia, Umberto Arione, a rescontrat lo cònsol de Coni, Federico Borgna, per li faire part de la saludacion e la gratituda oficialas de la Republica Federala Occitana ais autoritats de Coni per lo respècte e l'amistat qu'a demostrat devèrs la cultura occitana. En responsa, lo cònsol de Coni a saludat lo govèrn de la Republica Federala Occitana que lo rescontrarà en setembre à l'escasença de son viatge oficiau a Superga per participar a la Fèsta deis Estats de Savòia.

 

Per rampèu, lo 4 de julhet dau 2015 en la vila de Coni si debanèt una manifestacion per inaugurar la fin dei òbras de restructuracion de la carriera principala dau centre istoric, la carriera de Roma. La ceremonia reünissèt de miliers de personas sus la plaça Galimberti e comencèt à 22 oras amb un espectacle de lumes e de musicas. Lo principi coma la fin de la ceremonia s'acompanhèron totei de l'imne occitan lo "Se Chanta".

 

Lo cònsol de Coni Federico Borgna expliquèt mentre son discors que la causida de començar lei festivitats per lo "Se Chanta" foguèt facha en l'onor dei montanhas e dei valadas qu'environan la vila de Coni. Lei festivitats duran fins au 14 de julhet e cada sera se dobrisson a 22 oras amb l'imne occitan.

 

 

(Sus la fòto : a man seneca, l'Ambassador d'Occitània en Itàlia Umberto Arione, a man drecha lo cònsol de Coni)


Solidaritat Occitània-Armènia

25.04.2015

 

 

Solidaritat Occitània e Armènia. Leis Armènis an besonh de nòstre sosten, son encara amenaçats dins lo mond !