Omenatge a Romieg Fraisse e posicion oficiala de la RFÒC tocant lo barratge de Sivens

 

 

 

Lo dissabta 1er de novembre a 17 oras au Borg, lo govèrn de la Republica Federala Occitana observerà una minuta de silenci per Romieg Fraisse, tuat lo 25 d'octòbre passat mentre d'una manifestacion contra lo barratge de Sivens en lo Tarn (Guiana).

 

A-n-aquesta escadença, la Republica Federala Occitana ten a far part de la sieu critica à l'encontra dau projècte de barratge de Sivens, en si fidant sus d'un rapoart d'experts desfavorable denonciant notadament de besonhs sobre-estimats, un estudi d'impacte mau fach e un finançament frale. La Republica Federala Occitana, que s'es totjorn preocupada dei problemas ecologics grèus qu'amenaçon la tèrra noastra, non pòu acceptar la destruccion de la zòna umida dau Testet en la quala vivon esquasi un centenau d'espècias animali protegidi.

 

La Republica Federala Occitana denóncia la repression policiera que provoquèt la moart dau ciutadan occitan Romieg Fraisse e s'interròga sus de la rason de la venguda dei policiers en la serada dau dissabta 25 alora que segon de testimoniatges que li èron presents, la manifestacion si debanèt d'un biais quiet e festiu mentre tota la jornada.

 

Lo desvolopament economic dei regions occitani es un principe fondamental qu'a totjorn defendut la Republica Federala Occitana que deploura sempre la mancança d'industrias e l'abséncia de transpoarts adaptats dins lo país noastre, ensin que l'impossibilitat per un molon de ciutadans occitans, constrechs à l'emigracion, de poder viure e trabalhar au país. Pura, lo desvolopament economic es defendible sota doi condicions : que respècte l'ecologia e qu'aprofieche pas a de grans conglomerats sensa escrupuls e susceptibles de faire desaparéisser la concurréncia locala, prefondant ensin mai d'emplecs que n'en creeria.

 

Òc au desvolopament economic, mas pas a que prètz que sigue !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

Omenatge a Arvèi Gordel, victima de la barbaria dei islamistas

 

La Republica Federala Occitana es en duèlh despí de l'anóncia de l'execucion d'Arvèi Gordel dai terroristas dau grop "Lu sordats dau Califat" e ten a exprimir tota la sieu indignacion e la sieu orror davant d'aquest acte barbar e crudèl.

 

Faguèm toi part de la noastra compassion a la familha d'Arvèi Gordel, enfant de Nissa e de Gavotina, originari dau quartier de Sant Maurici e estatjant de Sant-Martin d'en Vesubiá.

 

E non denembram d'exprimir finda tota la noastra solidaritat emb toi lu autres ostatges amenaçats en lo monde.

 

Aquesto crimi abjècte serà pas impunit, e lu sieus autors, qu'an cessat d'èstre d'umans, deuràn respoandre dei sieus acts.

  

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

 

 

Omatge a Arvèi Gordel !

 

 

 

 

 

La República de Nissa es en duèlh despí de l'anóncia de l'execucion d'Arvèi Gordel dai terroristas dau grop "Lu sordats dau Califat" e ten a exprimir tota la sieu indignacion e la sieu orror davant d'aquest acte barbaro e crudèl.

 

Faguèm toi part de la noastra compassion a la familha d'Arvèi Gordel, enfant de Nissa e de Gavotina, originari dau quartier de Sant Maurici e estatjant de Sant-Martin d'en Vesubiá.

 

E non denembram d'exprimir finda tota la noastra solidaritat emb toi lu autres ostatges amenaçats en lo monde.

 

Aquesto crimi abjècte serà pas impunit, e lu sieus autors, qu'an cessat d'èstre d'umans, deuràn respoandre dei sieus actes.

 

 

 ***

  

REPUBLICA DE NISSA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

La República de Nissa, federada a la Republica Federala Occitana, anóncia que serà ben presenta a la Commemoracion de la Dedicion de Nissa a Savòia, que si debanerà lo 28 de setembre que vèn a partir de 10 oras de matin, de l'arrèst de trambalan Sant Miqueu de Pastor, fins a l'Abadia de Sant Poans.

 

La República de Nissa ten finda a felicitar l'associacion Sian d'Aqui qu'es a l'iniciativa d'aquesta ceremonia organizada en l'onor de la Dedicion, eveniment istoric marcant per lo País Nissart e Gavoat. 

 

 ***

  

REPUBLICA DE NISSA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

Escòcia a da besonh de sosten après la perda dau sieu referendum.

 

Mi pensi que li bancas inglesi coma la Lloyd an fach una pression determinanta.

 

Maugrat tot, lo Govèrn Britanico si deurà realizar li sieu promessas per una autonomia mai importanta d'Escòcia que deuria tocar finda lo nòrd d'Eire, Gàllia e Cornoalha e sensa dubi d'autres país d'Euròpa. 

 

Cristòu DAURORE

President de la Republica Federala Occitana

  

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

 

La Republica Federala Occitana manifesta lo sieu sosten a Catalunya !

 

 

 

 

A l'escadença de la Diada, la Fèsta Nacionala Catalana, la Republica Federala Occitana manifesta lo sieu sosten a Catalunya e au sieu desideri d'independéncia.

 

Per rampeu, lo 6 de novembre dau 2007, lo promier Govèrn de la Republica Federala Occitana èra reçauput au Parlament de Catalunya.

 

Aquest an, sigue 7 ans après, la Republica Federala Occitana inaugurerà l'ambassada d'Occitània en Catalunya dissabta lo 8 de novembre dau 2014.

 

L'ambassador d'Occitània en Catalunya si soana Xavier BADA, ancian deputat catalan dau CiU, en foncion despí de la creacion de la Republica Federala Occitana (lo 24 de març dau 2007).

 

Aqueli accions an per tècola de sostenir l'independéncia de Catalunya e dau promier tròç d'Occitània : la Val d'Aran. Lo referendum per l'independéncia si debanerà en Catalunya lo 9 de novembre dau 2014.

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

Aquest an, la Republica Federala Occitana va cambiar de president à l'issuda de la votacion presidenciala que si va debanar dau 2 de mai au 16 de novembre dau 2014.

 

Lo president actual, Cristòu DAURORE, elegit en lo fra temps president de la República de Nissa, non si tornerà presentar.

 

 

Lu doi candidats que si presenton son :

• Ciril JOANIN
• Gregòri GOBBI

La votacion si porrà faire per corriel, SMS, corrier postal ò emb l'urna. Li informacions detalhadi seràn donadi denant dau principi de la votacion.

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

UNITAT !

 

Volèm una entitat per Occitània !

 

 

Occitània deu existre administrativament per obtenir la sieu independéncia !

 

 

 

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

2014, l'annada de l'espèr !

 

L'annada 2014 es aquela de l'espèr, l'espèr de vèire s'emancipar lu pòbles contra dei imperialismes estrangiers. Après la revolucion ucraïnesa, la noastra atencion si va portar sus d'Escòcia e de Catalonha, que si van prononciar dins de referendums per l'independéncia.

 

En rason dei ligaments istorics e culturals qu'unisson despí totjorn lu pòbles occitan e catalan, la Republica Federala Occitana exprime lo sieu mai gran sosten a Catalonha que va sègre e acompanhar mentre tot lo sieu processús d'independéncia.

 

Viva Occitània, visca Catalunya !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

 

Nacionalisme francés : per tornar parlar d'Orador-de-Glana...

 

 

 

Lo nacionalisme franchimand inflige una novela umiliacion a la memòria dei martirs occitans d'Orador-de-Glana, ja saquejada da l'escandaloa lei dau 1953 qu'amnistiava, au nom de l'unitat nacionala, toi lu criminals nazís responsables d'aqueu crimi contra l'Umanitat.

 

Ensin, descubram que doi rementas an ren trobat de milhor que de si far fotografiar en lo luèc de la tragèdia (dont morèron 642 victimas inocenti, de que 350 fremas e pichoi que brutlèron dins la glèia) en faguent lo gèst de la "quenelle". Si capisse ben cen que son li motivacions d'aqueli doi carronhassas darrier d'aqueu gèst pròpi polemic dins un luèc tant simbolic.

 

Aquò moastra ben que faça au nacionalisme francés que saqueja la memòria dei victimas occitani, lo pòble occitan si deu emancipar mai que mai de la dominacion de l'Estat francés. Per aquò faire, devèm èstre units, fièrs e solidaris, en aquistant la consciéncia d'apartenir a una soleta nacion : la nacion occitana !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

 

 

2014, una annada istorica

per la lucha dei pòbles !

 

 

 

 

 

 

Aquesta annada 2014 serà istorica per la lucha dei pòbles : Escòcia e Catalonha organizeràn caduna un referendum sus de la sieu independéncia !

 

En aquesta escadença, la Republica Federala Occitana entende exprimir lo sieu complet sosten a Catalonha emb que parteja un avenir comun.

 

En efièch, l'independéncia de Catalonha representerà un espèr formidable per l'emancipacion de la nacion occitana devèrs dei centralismes estatals francés, italian e espanhòu. En mai d'aquò, lo referendum per l'independéncia de Catalonha tòca Occitània vist que n'en va tamben de l'avenir d'un país d'Òc : lo Vau d'Aran.

 

Ensin li doi nacion frairali, catalana e occitana, son mai que mai ligadi ! E aquesto ligament istoricament foart, la Republica Federala Occitana lo manifèsta despí totjorn, en emplegant en lo sieu govèrn doi ministres catalans, ensin qu'un ministèri consacrat a la cooperacion occitano-catalana !

 

La Republica Federala Occitana serà doncas ben presenta per acompanhar Catalonha mentre d'aquelu eveniments istorics, tant per Catalonha que per Occitània !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

UNITAT per Occitània !

 

A l'ora que si torna parlar de redescopatge regional (passant de 22 regions a 15), aqueu que sembla propauar l'Estat francés (se la carta es exacta) non nos conven, mesme se poarta de milhoraments tocant Bretanha e Normandia. Mas per Occitània, es pas boan !

 

Ensin, li creacions tecnocratiqui Miègjorn-Pireneus e Lengadòc-Rosselhon son mantengudi au depens de Lengadòc, Gascònha e Guiana. Daufinat es totjorn denegat, partejat entra li regions PACA e Ròse-Aups. Aquesto descopatge renderà encara mai dificila tota perspectiva d'unitat panoccitana s'Aquitània s'unisse emb'au Peitius de lenga d'Òil.

 

La Republica Federala Occitana n'aprofiecha per exigir una vertadiera entitat administrativa per Occitània tota, e convida toi lu occitanistas de si mobilizar per aparar d'una votz soleta aquela reveindicacion legitima !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

 

Orador-de-Glana e lo procès de l'ipocrisia de l'Estat francés.

 

 

 

 

 

En seguida de la vísita istorica dau president alemand a Orador-de-Glana en Lemosin lo dimècres 4 de setembre dau 2013, la justícia alemanda a inculpat un ancian sordat acusat d'aver participat au chaple dei estatjants dau vilatge martir occitan.

 

Au-delà dau fach que si podèm demandar coma si fa que la justícia alemanda s'interessa au cas d'un ancian SS de 88 ans solament aüra (70 ans après lu fachs), la Republica Federala Occitana entende metre davant dei sieu responsabilitats lu Estats alemand e francés en li demandant cen qu'an fach mentre aqueli sèt decennias per arrestar lu coupables ?!

 

Es sobretot l'escadença d'evocar una realitat qu'onora pas l'Estat francés : lo procès de Bordèu e la lei d'amnistia !

 

En lo 1953, sigue nòu ans après lo chaple d'Orador-de-Glana que faguèt 644 victimas exclusivament civili (de que 247 fremas e 206 enfants), si tenguèt lo procès de Bordèu, en lo quau siguèron inculpats 21 ancians SS, de que 13 arsacians "maugrat-nos" e un engatjat volontari.

 

Maugrat un procès faussat e inequitable en lo quau li partidas civili non èron representadi, conformament a un tribunal militari, la senténcia pura tombèt : cinc a vuèch ans de preson per lu 13 arsacians, dètz a dotze per 6 alemands, la pena de moart per l'engatjat arsacian, l'adjudant alemand e 42 autres SS de la division Das Reich, condemnats per contumaça.

 

Èra sensa comptar sus de la lei d'amnistia que siguèt decidida cinc jorns pus tardi en seguida d'una reaccion que mobilizèt una grana part de la classa politica de l'Estat francés.

 

A travèrs de la votz de l'Associacion dei Cònsols de Haut-Rhin ensin que dau deputat Pierre Pflimlin, Arsàcia tota si declarèt "solidària emb'ai sieus 13 enfants condemnats a toart a Bordèu", en denembrant que tra li victimas dau chaple d'Orador-de-Glana figurèron quaucu arsacians que s'èron installats en lo vilatge en lo 1939 per fugir la sieu region amenaçada da l'invasion alemanda...

 

Lo 13 de febrier dau 1953, si votèt una lei d'aministia qu'auguèt li favors dau president Auriol, dau president de l'Assemblada Edouard Herriot, dau general De Gaulle e de numerós autres deputats de que François Mitterrand e Jean Lecanuet. Per consequéncia, lu condemnats siguèron toi graciats e desliurats, e li perseguidas judiciari contra lu SS condemnats per contumaça siguèron abandonadi.

 

Ensin, l'Estat francés prenguèt la decision escandaloa de desliurar lu autors d'un crime contra l'umanitat "au nom de la reconciliacion" e de "l'interés superior de l'unitat nacionala", sus l'autar de que siguèt sacrificada la justícia per una pichina region qu'avia un pes economic deble a costat de la rica Arsàcia.

 

Aquò lo devèm jamai denembrar !

 

Perqué aquò nos sièrve de leiçon per acapir que :

 

1- l'Estat francés a totjorn mespreat lo pòble occitan en li denegant lo drech d'existir (descopatge territorial arbitrari, politica linguïcida, patoïsacion de la lenga e de la cultura) e de si desvolopar (deficit d'industrias e de transpoarts per mantenir una economia de dependéncia).

 

2- lu país d'Òc si dèvon absoludament recampar en si tornant apropriar la consciéncia d'apartenir a una identitat linguïstica e culturala comuna per aparar lu sieus interés au biais de la solidaritat panoccitana. Un Lemosin isolat avia pauc de chança de faire audir la sieu votz. La mobilizacion de toi lu país d'Òc auria fach tremolar l'Estat francés en lo 1953 !

 

Es per aquò que lo mot d'òrdre es mai que mai UNITAT !

 

La Republica Federala Occitana reveindica aut e foart una vertadiera entitat administrativa unica per Occitània tota !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com

 

 

 

Dual Dieudonné - Govèrn Valls

 

 

 

En l'encastre de la polemica poirida qu'esclapa dins l'Estat francés, entra lu nacionalistas francés Manuel Valls e Dieudonné, la Republica Federala Occitana exprima la sieu posicion.

 

Tota la genèsa dau problema resida dins l'esséncia mesma dau sistema politic de l'Estat francés, vector d'un molon d'òdis divèrsi. Lo nacionalisme francés, que vòu faire desaparéisser toti li culturas minorizadi que si tròbon sus dei territòris ocupats da l'Estat francés, es a l'origina de numeroï tragedias : colonialisme, guèrras, racisme, antisemitisme, fanatismes religiós, poiriment social e educatiu etc.

 

Dins una atmosfera politica animada da una tala ideologia imperialista, lo debat politica pòu evoluar que devèrs de discors pròpi pervèrs e marrits, caracterizats per de teorias conspiracionisti, l'estigmatizacion de cèrti categorias de la populacion etc.

 

Contra d'aquesta marelha ideologica, la Republica Federala Occitana opaua lo contra-nacionalisme occitan, desvolopat da Francés Fontan, autor de "L'etnisme", que preconiza lo vertadier internacionalisme (non messianic), es a dire lo nacionalisme umanista e solidari de toi lu pòbles en lucha.

 

Per conclusion, la Republica Federala Occitana considèra que lu personatges publics e politics tant divèrs que Dieudonné M'Bala M'Bala, Manuel Valls, la familha Le Pen, Jean-Luc Mélenchon, e patin e cofin, apartènon toi a la mesma familha : lo nacionalisme d'expansion francés caracterizat da l'ideologia jacobina.

 

La RFÒC rampèla la sieu totala opausicion en aquesta ideologia ensin qu'a toi lu imperialismes que sigon. E n'aprofiècha finda per exprimir tornamai lo sieu total sosten à toi lu pòbles que luchon per la sieu independéncia : occitans, catalans, bascs, bretons, escossés, amazigs, curdos, palestinians, tibetans, carens etc.

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com