MONEDA "NISSART" Actualitat
La moneda locala "Nissart" serà utilizada mentre dau Festi'Cant
06.11.2018
La moneda locala "Nissart" porrà èstre utilizada a l'escadença de l'edicion d'auton dau 18n Festi'Cant que si debanerà successivament:
- Lo dissabta 17 de novembre a 20o30 a L'Escarèa
- Lo diménegue 18 de novembre a partir de 12o00 a Berra.
La República de Nissa li tendrà un Burèu de cambi dei euros en Nissart.
La moneda locala "Nissart" serà utilizada mentre dau Festi'Cant
10.05.2018
La moneda locala "Nissart" porrà èstre utilizada a l'escadença dau 18en Festi'Cant que si debanerà successivament:
- Lo divendres 11 de mai a 19o30 a la sala de la Sosta (3502 Bolevard de la Valada) a Pelhon
- Lo dissabta 12 de mai a 20o30 au Teatre de l'Eliça (150 Rota de Casternòu-Vilavièlha) a Conte.
La República de Nissa li tendrà un Burèu de cambi dei euros en Nissart.
La moneda locala "Nissart" serà utilizada a la 4a Jornada Nissarda
10.04.2018
La moneda locala "Nissart" editada da la República de Nissa serà utilizada a l'escadença de la 4a Jornada Nissarda organizada da l'associacion de danças folcloriqui nissardi "Nice la
Belle".
Entre doi concèrts, balètis e animacions programadi, vos porretz passejar a l'entorn dei bancs de vendas de mèrç, de manjuca e de beguda, dont porretz pagar en "Nissarts".
La 4a Jornada Nissarda si debanerà lo dissabta 14 d'abriu a comptar de 12 oras mentre tot lo predinar, a la Maion Francina Gag situada au 20 Avenguda Frederic Mistral.
Azur TV - 30.01.2018
Nice Matin - 29.01.2018
La moneda locala "Nissart" es de retorn per 11 mes
28.01.2018
A partir dau diluns 29 de genoier dau 2018, la moneda locala "lo Nissart" es de retorn per una novèla operacion d'11 mes que durerà fins au 31 de decembre.
Lu bilhets seràn en servici e si porràn utilizar da 20 partenaris.
Lo burèu d'escambi dei bilhets si tròba a la fornaria bio Mamà Baker, situada au 13 Carriera Lepanta. Lo servici serà assegurat da Miqueu RAINERO cada jorn de 9o30 a 11o30 e de 14o30 fins a 17 oras. Lu bilhets seràn valables fins au 31 de decembre.
Lu bilhets de Nissarts si declinan en sèt valors diferenti, caduna emb l'efigia d'un personatge istoric de Nissa.
Li serà una paritat entre lo Nissart e l'euro, li pèças de centims d'euro serveràn finda a la moneda locala. Si pòu cambiar lu euros en Nissarts, mas non si poadon cambiar lu Nissarts en euros (levat per lu partenaris). Aquela moneda es facha per èstre despensada dai partenaris.
Lu comerçants, artisans e associacions participanti s'engatjeràn a respectar la Carta dau Nissart.
Cultura Viva - 21.12.2017
Azur TV - 14.12.2017
Nice Matin - 14.12.2017
Inauguracion dau Nissart a "L'Esstra"
12.12.2017
Lo bilhet Nissart es enfin estat inaugurat diluns 11 de decembre a 19 oras a "L'Esstra", restaurant e espiciaria de produchs locals bio! L'inauguracion s'es acompanhada d'un concèrt dau grop de fòlc occitan "Lu Barbalucos".
Masaguin "Lou Carretoun", burèu de cambi
11.12.2017
Aquesta setmana si duerbe lo periòd de pròva de la moneda Nissart, que dura dau 13 au 17 de decembre dau 2017.
Si pòu cambiar lu èuros en Nissarts au masaguin "Lou Carretoun" (18 Bolevard Jean Jaurès), de diluns 11 a dissabta 16 de decembre (9o30-12 e 14 oras-18o30).
Mèfi: non si pòu cambiar lu Nissarts en euro, mas li si pòu depensar dai 19 partenaris que troberetz la tiera aicí!
Nice Matin - 05.10.2017
Direct Matin - 29.09.2017
Nice Matin - 28.09.2017
Presentacion de la Carta per la moneda locala lo "Nissart"
18.01.2017
La República de Nissa presenterà encuèi la Carta per l'utilizacion de la Moneda Locala "Nissart".
La presentacion si farà encuèi a 19 oras au 22 Carriera Beaumont a Nissa.