Comunicat de la Republica Federala Occitana

15.12.2013

Carta Europèa dei Lengas Regionali e Minoritari : una evolucion positiva !

 

La Republica Federala Occitana saluda lo relançament dau processús de ratificacion de la Carta Europèa dei Lengas Regionali e Minoritari, anonciat dau Govèrn de l'Estat francés, mas acuèlha en lo fra temps aquesta nòva embé de reservas vist que si sospecta una andana electoralista denant dei votacions municipali de l'an que ven.

 

Tantotun, la Republica Federala Occitana considèra qu'aquesto processús es una avançada tròup laugiera en favor de la reconoissença de l'existéncia de la nacion occitana.

 

En aquesta escadença, la RFÒC n'aprofiècha per rampelar li sieu reveindicacions : 

  • Oficializacion e promocion activa de la lenga occitana
  • Reconoissença dei identitats, culturas e istòrias especifiqui dei país d'Òc
  • Presa de consciéncia dau pòble occitan d'apartenir a la grana civilizacion occitano-romana
  • Establiment d'una vertadiera entitat territoriala occitana
  • Mesa en plaça d'una representacion occitana federatritz que sièrve d'interlocutor emb'au poder central
  • Drech dei occitans d'administrar aquesto territòri coma l'entèndon
  • Reconoissença oficiala dau drech dei occitans de chausir la sieu pròpria via
  • Instauracion d'una vertadiera democracia participativa

 ***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com


Comunicat de la Republica Federala Occitana

13.12.2013

 

Catalonha. Maugrat la menaça de Madrid, que denonça una "error istorica", lo President de Catalonha Artur Mas manten que lo referendum sus de l'independéncia si debanerà 9 de novembre dau 2014.

 

La Republica Federala Occitana sosten aquesta iniciativa en favor de l'independéncia de Catalonha, de que es foarça favorabla.

 

En aquesto títol, la RFÒC entraten ja de relacions diplomatiqui emb Catalonha vist que còmpta doi catalans dins lo sieu govèrn : Xavier BADA, l'ambassador d'Occitània en Catalonha e Assompció AMAT, la ministra dei relacions occitano-catalani.

 

Viva la solidaritat occitano-catalana ! Visca Catalonha ! Viva Occitània !

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Comunicat de la Republica Federala Occitana

25.11.2013

 

La Republica Federala Occitana saluda la creacion de l'Observatòri de l'occitanofobia e sosten tota lucha contra lo racisme anti-occitan.

 

 

Solidaritat e sosten a la lucha contra l'occitanofobia !

 

 

 

***

  

Prètz, Larguesa e Paratge

 

 ***

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com


Comunicat de la Republica Federala Occitana

11.11.2013

 

 

 

La Republica Federala Occitana commemòra encuèi l'Armistici dau 11 de novembre.

 

 

 

 

L'objècte d'aquesta commemoracion es de celebrar non pas la victòria sanguinoa de l'Estat francés e dei autri potenças imperialisti de l'Ententa sus dei ancians emperis centrals (Alemanha, Austria-Ongria), mas lo retorn de la Patz e la fin dau chaple.

 

La Republica Federala Occitana rende omatge tamben a l'ensems dei victimas de la Promiera Guèrra Mondiala, e notantament ai victimas occitani d'una guèrra afroa que non èra la sieua.

 

***

  

Prètz, Larguesa e Paratge

 

 ***

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com


Comunicat de la Republica Federala Occitana

12.10.2013

 

 

Encuèi lo 12 d'octòbre es la Dia de la Hispanidad (Jornada de l'Ispanitat), fèsta nacionala espanhòla que commemòra la descubèrta de l'Amèrica da Cristòu Colomb. 

 

En aquesto títol, la Republica Federala Occitana condemna aquesta celebracion d'un eveniment qu'incarna denant de tot lo principi dau genocidi dei amerindians dai conquistadors espanhòus.

 

La RFÒC aproficha tamben de l'escadença per tornar afirmar tot lo sieu sosten e la sieu solidaritat a Catalonha dins la sieu lucha per la sieu independéncia.

 

Si podèm justament rejoïr que la Diada (manifestacion per l'independéncia de Catalonha, que si debana cada 11 de setembre) recampèt aquest an mai de  1.600.000 manifestants, alora que la Fèsta Nacionala d'Espanha n'en recampèt que de 5.000 a 30.000.

L'independéncia de Catalonha es en camin !

Visca Catalunya ! Viva Occitània !

 

***

  

Prètz, Larguesa e Paratge

 

 ***

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Comunicat de la Republica Federala Occitana

31.07.2013

 

Dissabta lo 27 de julhet passat, lo Govèrn Provisòri de la Republica Federala Occitana organizèt lo sieu conseu dei ministres à Rodés. Si debatèron notantament dau processús de federalizacion en marcha en ligament emé la votacion presidenciala de la República de Nissa, ensin que dau projècte de novèla Republica de Guiana.

 

A l'escadença d'aquesto conseu, la Repubica Federala Occitana ten a felicitar lu responsables de l'Estivada de Rodés per l'organizacion dau festenau, e rengràcia tot particularament lo director de l'Estivada, lo sénher Patric Roux, per lo sieu acuèlh calorós.

 

Lo Govèrn deploura pura l'abséncia de representacion dei artistas locals a l'Estivada e si prepaua d'ajudar lu organizators dins l'alestiment de la programacion de l'edicion de l'an que ven. Enfin, conscient dei problemas financiers rescontrats aquest an, la Republica Federala Occitana s'engatja a contribuir au finançament de l'Estivada 2014 en portant una ajuda d'un Occitan (moneda de Pezenàs) simbolic.

  

***

  

Prètz, Larguesa e Paratge

 

 ***

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com