Eveniment de la Republica Federala Occitana en l'onor de la Consulta dau 9-N
10.11.2014
En l'encastre dau sieu viatge oficial en Catalonha, la Republica Federala Occitana organiza encuèi a l'Ostalaria de Catalunya a Barcelona un eveniment per l'Ambassada d'Occitània en Catalunya en l'onor de la Consulta dau 9-N.
La Republica Federala Occitana es presenta a la consulta dau 9-N en Catalonha
09.11.2014
Encuèi, siam lo 9 de novembre dau 2014 e siam a Barcelona. Aüra comença la Consulta dau pòble catalan per saupre se vòu l'independéncia de Catalonha.
VISCA CATALUNYA !
La Republica Federala Occitana inaugura l'Ambassada d'Occitània en Catalonha
08.11.2014
Lo govèrn de la Republica Federala Occitana s'en va en vísita oficiala en Catalonha
07.11.2014
Lo president e lo cap dau govèrn de la Republica Federala Occitana s'en van en visita oficiala en Catalonha aquesta dimenjada per assistir a la consulta populara per l'independéncia de Catalonha e per inaugurar l'ambassada d'Occitània en Catalonha, marcant ensin mai foart la reconoissença mutuala entra li doi nacions frairali !
Occitània e Catalonha son ja totplen ligadi notadament au nivèu politic : la Republica Federala Occitana compta doi ministres catalans en lo sieu govèrn, de que una ministressa dei relacions occitano-catalani.
Sostenèm lu noastres fraires catalans dins la lucha que mènon contra la pression dau poder madrilenc.
VISCA CATALUNYA ! VIVA OCCITÀNIA !
La República de Nissa rende omatge ai liberators de Nissa dau 28 d'aost dau 1944
28.08.2014
La República de Nissa, federada a la Republica Federala Occitana rende omatge ai fremas e òmes que participèron a la Liberacion de Nissa de l'ocupacion nazí lo 28 d'aost dau 1944, 70 ans fa.
Onor a toi aquelu qu'auguèron lo coratge de si pilhar en man sensa asperar l'arrivada de l'armada dei aligats. Trenta doi d'aquelu li perdèron la vida aqueu jorn e mai de 280 siguèron ferrits.
***
REPUBLICA DE NISSA
6 Avenguda Gautier-Roux
OC – 06000 NISSA
Tel.: +33 (0)6 71 18 61 21
Corriel : occitania@nissa.org
Site : www.occitania-oc.com
Omenatge de la Republica Federala Occitana ai victimas dau chaple d'Orador-de-Glana
02.08.2014
Divendres lo 1er d'aost dau 2014, la Republica Federala Occitana a rendut omenatge ai victimas occitani dau chaple d'Orador-de-Glana, comés da l'ocupant nazi lo 10 de junh dau 1944.
L'omenatge s'es fach en la preséncia de Michel Pailler, conselher municipal rapresentant dau cònsol d'Orador-de-Glana Philippe Lacroix.
La Republica Federala Occitana renderà omenatge ai victimas occitani de la barbaria dei nazís
30.07.2014
En l'encastre de la Caravana Occitana per la votacion presidenciala, la Republica Federala Occitana aprofiecherà dau sieu passatge en Lemosin lo 31 de julhet e lo 1er d'aost, per rendre omatge ai occitani e occitans executats ò deportats da l'ocupant nazi à Tula (lu 7 e 9 de junh dau 1944) e a Orador (lo 10 de junh dau 1944).
Memòria eterna ai victimas occitani de la barbaria dei nazís !
La Republica Federala Occitana rende omenatge a Garibaldi e nomena una novèla ambassadritz
04.07.2014
A l'escadença de l'omatge de la Republica Federala Occitana a Pepin Garibaldi, eròi dei doi monds Amèrica e Euròpa, la dòna Evelyn Taveras es estada installada Ambassadritz d'Occitània en República Dominicana.
Aüra podètz contactar l'Ambassada d'Occitània en República Dominicana au corriel seguent: ambocdom@occitania-oc.com
