Installacion dau president e dau Govèrn de la República de Nissa

16.09.2013

 

Dissabta lo 28 setembre a 15 oras plaça Garibaldi (davant la sieu estàtua) a l'escadença dei 625 ans de la Dedicion de Nissa a Savòia, la Comission Electorala de la República de Nissa proclamerà li resultas de la votacion presidenciala.

 

Lo president elejut presenterà lo 1er ministre qu'aurà chausit ensin que la compausicion dau sieu Govèrn.

 

Per rampèu, la República de Nissa organizava la sieu promiera votacion presidenciala que s'es acabada encuèi a miejanuèch.

 

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Votacion presidenciala de la República de Nissa mentre de la Fèsta de la Comtea a Roquesteron

04.08.2013

Lo 3 d'agost dau 2013, a la Fèsta de la Comtea a Roquesteron, la República de Nissa, federada a la Republica Federala Occitana, tenia un burèu de vòt itinerant per la votacion presidenciala. Lo public èra numerós a venir votar. 

 

Per rampèu, la República de Nissa organiza la sieu promiera votacion presidenciala que s'acaberà lo diménegue 15 de setembre dau 2013 à 23o59.

 

Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Anóncia de la votacion presidenciala de la República de Nissa e condicions de vòt

02.05.2013

La promiera votacion presidenciala de la República de Nissa, federada à la República Federala Occitana, comencerà lo dimarç 2 de mai dau 2013 a comptar de mièjanuèch e s'acaberà lo diménegue 15 de setembre dau 2013 à 23o59.

 

  

Condicions de vòt

 

Avètz 3 possibilitats per votar :

 

Per corriel : republicadenissa@outlook.com

Per SMS : 06 46 62 74 93

Per corrier postal : Ministre Reinat Anfosso, 90 bd Gambetta - 06000 NISSA

 

En lo voastre messatge electronic, devètz chausir una dei tres mencions :

 

- Vòti PER la candidatura de Cristòu DAURORE

- Vòti PER la candidatura de Jonatan SANTILLI

- M'absteni

 

Es necessari de precisar tamben : lo voastre atge, la comuna dont estètz e lo còdi postal.

 

Informacion : per aquesta votacion, lo drech de vòto s'aplica solament ai estatjants majors de la República de Nissa. Ensin per votar, cau :

 

- Demorar dins una dei 107 comunas de la República de Nissa

- Aver au manco 18 ans au moment de la votacion (entra lo 2 de mai e lo 15 de setembre dau 2013).

 

Minga condicion de nacionaltat es requista.

 

 

Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Presentacion dei candidats a la votacion presidenciala de la República de Nissa

06.01.2013

 

 

Dissabta lo 5 de genoier dau 2013 à 15 oras plaça Garibaldi de Nissa si debanèt presentacion de la tièra dei candidats a la votacion per elegir lo 1er president de la República de Nissa.

 

 

Lu doi candidats que si son presentats son :

 

  • Cristòu DAURORE
  • Jonatan SANTILLI

Aüra, a comptar dau 5 de genoier dau 2013, comença la campanha electorala.

 

Lo calendari de l'Organisacion de la votacion presidenciala de la República de Nissa :

 

  • Rampèu ai candidaturas dau 29/09/2012 au 31/12/2012.
  • Campanha electorala dei candidats dau 5/01/2013 au 30/04/2013.
  • Votacion presidenciala per Internet dau 2/05/2013 au 15/09/2013.
  • Installacion dau president de la República de Nissa dissabta lo 28 de setembre dau 2013. 

Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Profession de fe de Cristòu DAURORE

05.01.2013

 

  • Pichin nom : Cristòu
  • Nom de maion : DAURORE
  • Esta a : Nissa
  • Mestier : Professor de nissart (òc) e animator
  • Centres d'interest : La lenga e la cultura de Nissa e de Gavotina (òc), l'agricultura biologica, la ràdio.

 

 Projècte per la República de Nissa : 

  • L'anexion à França non es una fatalitat, avèm lo drech e lo dever de si pilhar en man per tornar trovar la dinhitat dau noastre pòble.
  • Podèm aver la noastra plaça en Euròpa, la República de Nissa a la populacion d'un país coma Luxemborg e una superficia mai grana !
  • Voali rendre oficial lo nissart e lu parlars gavoats en la República de Nissa.
  • Voali restaurar lu poders dei 107 comunas de la República de Nissa, minga dominacion d'una comuna sus d'una autra.
  • Metre en valor li riquessas dau noastre país, valorisar l'agricultura, arrestar lo betonatge dei terras fertili, valorisar finda lo travalh dei mesteirants, dei nòvas tecnologias.
  • Levar l'apelacion "Côte d'Azur", marrit simbòlo d'un torisme global, caricatural.
  • Crear un torisme que mete en valor lo noastre patrimòni, un carneval portat dai sieus estatjants, dins cada quartier de Nissa, dins cada comuna de la República. Lu Catalans nen moástron lo camin de la libertat dei pòbles e qu’en levant li cadenas, la prosperitat es possibla !

 

Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Profession de fe de Jonatan SANTILLI

05.01.2013

 

  • Pichin nom : Jonatan
  • Nom de maion : SANTILLI
  • Esta a : Colomàs
  • Mestier : Coïnier
  • Centres d'interest : Supportaire Ultra de la Populària Sud, activitats de carneval, mesclums de músicas.

  

 

Projècte per la República de Nissa : 

  • Voali rendre ai nissarts lo drech de decidre dau sieu pròpri avenir. Es pas à un solet decidor de dire cen que devèm faire ò non, mas siatz vautres, estatjants de la Comtea, que devètz pilhar lo voastre destin en man.
  • Soeti acordar à la lenga e à la cultura nissardi tota la plaça qu'a lo drech d'aver dins la vida ciutadana, publica, política e administrativa.
  • Cau mai de libertats ai ciutadans de la República de Nissa.
  • Farai tot per mantenir e desvolopar li tradicions à Nissa (Carneval, Cogordons, Festin dei Mais, etc.)

 

  Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Rampèu a candidaturas per la votacion presidenciala de la República de Nissa

15.12.2012

 

Dissabta lo 5 de genoier dau 2013 à 15 oras plaça Garibaldi de Nissa serà anonçada la tiera dei candidats a la votacion per elegir lo 1er president de la República de Nissa.

 

Diluns lo 31 de decembre dau 2012 serà lo darrier jorn per far acte de candidatura per la votacion presidenciala de la República de Nissa.

 

 

Lo candidat deu : 

  • Demorar dins una dei 101 comunas de l'arrondiment de Nissa (ancian Comtat de Nissa) ò dins una dei 6 comunas de la Valada auta de la Nervia (Apricale, Dolceacque, Isolabona, Perinaldo, Pigna e Rocchetta Nervina)
  • Aver au manco 18 ans, au 1er de genoier de l'annada de la votacion,
  • Non aver augut de condamnacions juciciari,
  • Non èstre plaçat sota tutela ò curatela,
  • Praticar un dialècte de la lenga d'òc de l'ancian Comtat de Nissa (nissart, alpenc), ò s'engatjar de la praticar,
  • Consentir liurament à èstre candidat,
  • Minga condicion de nacionalitat es requista.

Li demandas de candidatura son da mandar sus lo corriel à : republicafederalaoccitana@orange.fr

 

Lu candidats a la votacion presidenciala de la República de Nissa seràn presentats dissabta lo 5 de genoier dau 2013 à 3 oras dau predinar sus la Plaça Garibaldi (davant la sieu estàtua).

 

Lo calendari de l'Organisacion de la votacion presidenciala de la República de Nissa :

  • Rampèu ai candidaturas dau 29/09/2012 au 31/12/2012.
  • Campanha electorala dei candidats dau 5/01/2013 au 30/04/2013.
  • Votacion presidenciala per Internet dau 2/05/2013 au 15/09/2013.
  • Installacion dau president de la República de Nissa dissabta lo 28 de setembre dau 2013. 

Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21



Fèsta dei 624 ans de la Dedicion de Nissa a Savòia e organizacion de la votacion presidenciala de la República de Nissa

28.09.2012

La República de Nissa e la República Federala Occitana festegeràn lu 624 ans de la Dedicion de Nissa a Savòia que si debanèt lo 28 de setembre dau 1388, davant l'Abadia de Sant Poans. Aquest eveniment es a l'origina de la creacion de la Comtea de Nissa. Nissa e lo sieu Comtat siguèron ligats ai Estats de Savòia (Piemont, Savòia, Sardenha, pi Genoa) fins au 1860.

 

Serà l'escadença per anonçar lo calendari de l'organisacion de la votacion presidenciala de la República de Nissa :

  • Rampèu ai candidaturas dau 29/09/2012 au 31/12/2012.
  • Campanha electorala dei candidats dau 5/01/2013 au 30/04/2013.
  • Votacion presidenciala per Internet dau 2/05/2013 au 15/09/2013.
  • Installacion dau president de la República de Nissa dissabta lo 28 de setembre dau 2013.  

Comission Electorala de la Republica de Nissa: +33 (0)6 46 62 74 93

 

REPUBLICA DE NISSA

6 Avenguda Gautier-Roux 06000 Nissa

 Tel. : +33 (0)6 71 18 61 21