Presidenciala 2014 : Resultats definitius

04.12.2014

La votacion presidenciala de la Republica Federala Occitana s'es acabada lo 16 de novembre a 23o59. Lo comptatge dei boletins s'es acabat lo 19 de novembre.

 

Encuèi, lo 4 de decembre, v'anonciam lu resultats definitius :

  • Nuls ò blancs : 2,24 % (sigue 8 personas)
  • Gregòri GOBBI : 27,45 % (98 personas)
  • Ciril JOANIN : 70,31 % (251 personas)

 Participacion totala : 357 personas. 

 

Ciril JOANIN es declarat vincitor de la Votacion Presidenciala de la Republica Federala Occitana.

 

Es elejut per un mandat de 5 ans. A chausit per capitala federala : Pertús (en Vauclusa, capitala dau temps dau sieu mandat). Serà installat dins la sieu foncion dissabta lo 6 de decembre a 15 oras plaça Frederic Mistral au Pertús, davant de la Maion de la Comuna. Li presenterà lo sieu Promier Ministre e la compausicion dau sieu govèrn federal.

 

L'endeman, diménegue lo 7 de decembre a 14 oras, si rendrà emb una part dau sieu govèrn a Malhana, avenguda Lamartina, davant dau sieu musèu, per fin de rendre un omatge au mai gran escrivan occitan, Frederic Mistral, prèmi Nobel de leteratura, a l'escadença dau centenari de la sieu despartida.

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org 

Site : www.occitania-oc.com



Presidenciala 2014 : darriera setmana

12.11.2014

 REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org 

Site : www.occitania-oc.com



La Republica Federala Occitana organiza la Caravana Occitana per la votacion presidenciala

19.07.2014

 

La Republica Federala Occitana organiza una Caravana Occitana per far votar li occitani e lu occitans per un dei doi candidats :

  • Gregòri GOBBI
  • Ciril JOANIN

 

La Caravana Occitana comencerà lo 19 de julhet e durerà fins au 1er de novembre. Si farà en 16 tapas d'en per Occitània tota. 

 

Fin de la votacion : diménegue 16 de novembre a 23o59. Lo dissabta 29 de novembre si farà l'installacion dau novèu president.

  

Tiera dei tapas

  • 1a tapa : NISSA dissabta lo 19 de julhet, de 14 oras a 17, plaça Garibaldi.
  • 2a tapa : CLANS diménegue lo 20 de julhet.
  • 3a tapa : RODES dissabta lo 26 de julhet.
  • 4a tapa : VIELHA en Val d'Aran diménegue lo 27 de julhet.
  • 5a tapa : TOLOSA diluns lo 28 de julhet, plaça dau Capitòli.
  • 6a tapa : PAU dimarç lo 29 de julhet, plaça Clemenceau.
  • 7a tapa : BORDEU dimècres lo 30 de julhet, plaça dei Quinconces.
  • 8a tapa : TULA dijòus lo 31 de julhet, plaça de la Catedrala.
  • 9a tapa : LEMOTGES divendres lo 1er d'aost, plaça de la Republica.
  • 10a tapa : CLARMONT dissabta lo 2 d'aost, plaça de la Jaude.
  • 11a tapa : MARSELHA diluns lo 11 d'aost, au Pòrt Vièlh.
  • 12a tapa : MONTPELHIER dimarç lo 12 d'aost.
  • 13a tapa : NIMES dimècres lo 13 d'aost.
  • 14a tapa : AVINHON dijòus lo 14 d'aost.
  • 15a tapa : ILONSA dissabta lo 23 d'aost.
  • 16a tapa : O BORG (Valadas Occitanas dal Piemont) dissabta lo 1er de novembre.

 REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org 

Site : www.occitania-oc.com



PRESIDENCIALA 2014 : CONDICIONS PER VOTAR

02.05.2014

 

La votacion presidenciala de la Republica Federala Occitana comencerà lo dimarç 2 de mai 2014 a partir de miejanuèch e s'acaberà lo diménegue 16 de novembre a 23:59.

 

  

Condicions de vòt

 

Avètz 3 possibilitats per votar :

  • Per corriel : cerfoc@outlook.com
  • Per SMS : +33 (0)6 71 18 61 21
  • Per corrier postal : Cristòu DAURORE, 6 Avenguda Gautier-Roux - 06000 NISSA

Dins lo voastre messatge electronic, deurètz chausir una dei tres mencions :

  • Vòti PER la candidatura de Gregòri GOBBI
  • Vòti PER la candidature de Ciril JOANIN
  • M'abstèni

Es necessari de precisar lo voastre pichin nom + nom de maion + atge + comuna de residéncia, còdi postal d'aquesta comuna.

 

Lu expatriats dèvon precisar tamben la sieu comuna d'origina (aquela de la sieu familha ò dont si tròva l'adreiça que possede sus dau territòri de la Republica Federala Occitana).

 

Per poder votar, cau :

  • Aver au manco 18 ans au moment de la votacion (entra lo 2/05/2014 et lo 16/11/2014).
  • Demorar sus dau territòri de la Republica Federala Occitana.

Pura, aquelu qu'estàn en defoara poàdon votar en tant qu'expatriats s'an de familha ò una adreiça sus dau territòri de la RF Occitana.

 

Lu estatjants de la comuna de La Gàrdia en Calàbria poàdon tamben votar en tant qu'expatriats.

 

Minga condicion de nacionalitat es requista.

 

Organizator de la votacion presidenciala de la Republica Federala Occitana : Cristòu DAURORE.

 

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Presidenciala 2014 : Debat pre-electoral radiodifusat entra lu doi candidats Gregòri GOBBI e Ciril JOANIN

02.05.2014

 

La votacion presidenciala de la Republica Federala Occitana comença encuèi !

 

Lu doi candidats son :

  • Gregòri GOBBI
  • Ciril JOANIN.

 

Podètz escotar aquí lo debat electoral entra lu doi candidats que si debanèt lo 23 d'abriu passat.

Télécharger
Debat pre-electoral radiodifusat (Part 1
Fichier Audio MP3 6.3 MB
Télécharger
Debat pre-electoral radiodifusat (Part 2
Fichier Audio MP3 7.0 MB

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Presidenciala 2014 : Debat pre-electoral radiodifusat entra lu doi candidats Gregòri GOBBI e Ciril JOANIN

26.04.2014

Lo 25 d'abriu à 9 oras de sera èra difusat sus la oebràdio Nissa Pantai (www.nissapantai.com) lo debat dei 2 candidats a la votacion presidenciala de la Republica Federala Occitana.

 

Entrevistats da Cristòu DAURORE, lu doi candidats Ciril JOANIN e Gregòri GOBBI expauèron lu sieus programas electorals respectius e finda lu sieus projèctes per faire d'Occitània una republica federala sobeirana e prospera.

 

Lo registrament dau debat electoral si debanèt dimècres lo 23 d'abriu à 5 oras dau sera sus la plaça Garibaldi à Nissa. Lo debat èra dubèrt au public e ai autres mèdias.

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Presidenciala 2014 : Debat pre-electoral radiodifusat sus Ràdio Nissa Pantai

20.04.2014

Lo dijòus 24 d'abriu que ven, en l'encastre de la votacion presidenciala de la Republica Federala Occitana, lo debat pre-electoral qu'opauerà lu doi candidats Ciril JOANIN e Gregòri GOBBI, serà difusat sus Ràdio Nissa Pantai a 21 oras.

 

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org 

Site : www.occitania-oc.com



Presidenciala 2014 : Profession de fe de Gregòri GOBBI

10.01.2014

 

Pichin nom : Greg

Nom de maion : GOBBI

Vila : Nissa

Mestier : Coïnier

Centres d'interest : Musica, politica, espòrt

 

 

 

Project per la Republica Federala Occitana :

  •  La renaissença de la lenga d'Òc passerà per lu pichoi. Per promòure e desvolopar l'ensenhament de l'occitan, cau generalizar li escòlas bilengui dins toti li comunas d'Occitània.
  • Lo processús de federalizacion d'Occitània es en camin mas es pas encara pron : la Republica Federala Occitana còmpta per lo moment qu'una soleta republica federada : la República de Nissa. Per n'establir d'autri, cau mobilizar lu estatjants de toti li comunas d'Occitània. Per aquò faire, ai l'intencion de menar una politica de proximitat qu'a per tècola de sensibilizar li gents e li faire pilhar consciença que son de ciutadans de la Republica Federala Occitana.
  • Preconizi un partatge dei competenças clarament definit entra la Federacion e li republicas federadi. Per exemple, lu afaires estrangiers e la seguretat dau dintre seràn li prerogativas de la promiera, alora que li segondi auràn en carga li fonccions mai en rapoart emb'ai realitats locali.
  • L'economia d'Occitània es dins una situacion dificila. Cau pilhar coma exemple Catalonha qu'a una economia foarta e que s'alestisse de si desliurar de la pression de Madrid. Lu occitans si dèvon torna apropriar la sieu economia e si desliurar de la dependença de París !
  • La politica estrangiera si compenderà sota dau mieu mandat a desvolopar li relacions emb'ai país que son a capitar d'aquistar la sieu independença (Catalonha, Escòcia), en mantenent pura de boani relacions emb'ai grans país d'Euròpa. Cau tamben anar mai endavant en establissent de relacions diplomatiqui emb'ai país dei autres continents.
  • Lo camin devèrs l'independença es coma la bastison d'una maion embé, coma fondacions, l'autonomia e lo drech de praticar la sieu lenga. Aquò arepresenta una basa solida per arribar progressivament à l'independença.

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org 

Site : www.occitania-oc.com



Presidenciala 2014 : Profession de fe de Ciril JOANIN

10.01.2014

 

Pichin nom : Ciril

Nom de maion : JOANIN

Vila : Nissa

Mestier : Assistant administratiu de basa de donada e animator ràdio

Centres d'interest : Lenguística, istòria, politica, fotbòl, musica

 

 

 

Projèct per la Republica Federala Occitana : 

  • La lenga d'Òc es en periu. La sieu situacion non si melhorerà tant que serà pas lenga oficiala e obligatòria en lu mèdias, l'administracion e l'ensenhament, e indispensabla per trabalhar au país. Au mejan d'accions coordonadi près dei poders publics, revendiquerai constantament un estatut oficial per l'occitan.
  • Unitat territoriala per Occitània ! Lo redescopatge dei regions constitua per Occitània l'escadença istorica de devenir una entitat territoriala concreta e d'obtenir enfin un estatut juridic. Per aquò, encoratjerai per toi lu mejans possibles lu conseus dei regions e despartiments d'Òc de fusionar per formar plus qu'una sola region Occitània.
  • La federalizacion d'Occitània es ja estada entamenada embé l'eleccion d'un promier president per la República de Nissa, promiera republica federada a la Republica Federala Occitana. Sota dau mieu mandat, lo processús s'espandirà dins Occitània tota embé la mesa en plaça d'una republica locala per cada país d'Òc.
  • La constitucion federala serà establida que definisserà lu rapoarts e lu partiments dei competenças entra la Republica Federala Occitana e li republicas federadi. Per aquò, meterai en plaça una assemblada de constituants representatius de l'ensems de la populacion, que serà encargada de redigir aquesta constitucion.
  • La representacion locala de la Republica Federala Occitana passerà tamben per l'installacion d'un parlament federal, recampant lu deputats de toti li republicas federadi.
  • La situacion economica, sociala e ecologica de l'ensems dei país d'Òc es foarça marrida : industrializacion debla, transpoarts inadaptats e pas pron numerós, cauma, cost de la vida, crisi dau lotjament, especulacion imobiliària e projèctes faraonics que saquèjon la natura... Tot aquò pòu plus durar ! Uroament, d'iniciativas locali existon, coma lu oarts partejats e lu sistemas de monedas locali. Coopererai embé toi lu actors economics e socials per coordonar e generalizar aqueli practicas. La solucion passerà per la relocalizacion de l'economia !
  • La cooperacion internationala serà un dei elements màgers de la mieu politica. Aquesta annada serà istorica emb'au referendum sus de l'independença de Catalonha, partenari clau de la RF Occitana. Serai present en aquest eveniment e desvoloperai lu escambis occitano-catalans. De mai, farai créisser la representativitat de la Republic Federala Occitana à l'estrangier, caua qu'ai ja començat de faire sota lo mieu mandat actual de promier ministre.

  

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Presidenciala 2014 : presentacion dei candidats

04.01.2014

Aquest an, la Republica Federala Occitana va cambiar de president à l'issuda de la votacion presidenciala que si va debanar dau 2 de mai au 16 de novembre dau 2014.

 

Lo president actual, Cristòu DAURORE, elegit en lo fra temps president de la República de Nissa, non si tornerà presentar.

 

Lu doi candidats que si presenton son : 

  • Ciril JOANIN
  • Gregòri GOBBI

La votacion si porrà faire per corriel, SMS, corrier postal ò emb l'urna. Li informacions detalhadi seràn donadi denant dau principi de la votacion.

 

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Presidenciala 2014 : rampèu a candidaturas

31.07.2013

La Comission Electorala de la Republica Federala Occitan fa un rampèu a candidaturas per la votacion presidenciala dau 2014.

 

A-n-aquesta escadença, toi aquelu que lo soeton an fins au 31 de decembre per si presentar en tant que candidat per la votacion presidenciala de la Republica Federala Occitana.

 

Per si poder presentar, lo candidat dèu :

  • Aver 18 ans e mai
  • Mestrejar e parlar l’occitan
  • Demorar en lo territòri de la RF Occitana
  • Non èstre sota tutela e/o curatela
  • Èstre juridicament responsable
  • Propauar un programa electorala conforma ai valors democratiqui de la RF Occitana

 

 Lo candidat s’engatja tamben a :

  • Formar un govèrn dins lo relambi maximal d’un mes
  • Respectar lo sieu programa electoral

 

Per pauar la voastra candidatura, podètz contactar la Comission Electorala de la Republica Federala Occitana a :

 

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com



Rampèu a candidaturas per la votacion presidenciala de la Republica Federala Occitana

30.07.2013

La Republica Federala Occitana fa un rampèu a candidaturas fins au 31 de decembre dau 2013.

 

Lo president d'aüra de la República Federala Occitana, Cristòu DAURORE, elejut en lo 2009, non si tornerà rapresentar. 

 

La votacion presidenciala de la Republica Federala Occitana s'acaberà en decembre dau 2014.

 

S'organiserà en Occitània tota la campanha electorala e la votacion si farà per Interret.

 

 

REPUBLICA FEDERALA OCCITANA

6 Avenguda Gautier-Roux

OC – 06000 NISSA

Tel.: +33 (0)6 71 18 61 21

Corriel : occitania@nissa.org

Site : www.occitania-oc.com